手頭上由於有兩部上到網先有野玩既裝置，所以隨時上到網突然對我來說變得重要了，這兩個裝置分別是我部 G1 手機同埋 iPod Touch。在未有 iPod Touch 之前，由於 G1 用緊一個 People 台既無限 data plan，雖然係慢了一點，但還是可以接受。但有了 iPod Touch 之後，它由於只可以用 Wi-Fi 上網，所以只好靠我 HKBN 既 bbWi-Fi。 bbWi-Fi 雖然網站聲稱有超過 2,000 個熱點，但當要用既時間發覺真的很不夠用，最基本的麥記也不是全線有熱點，有點令人失望，而且正價月費高達 HKD88，未免有點高。 有一段時間試用了 G1 的 WiFi Tether 功能，用落是沒有多大問題，而且仲可以周街上網，可惜的事，G1 的電很快就會用盡，可能 1-2 小時就拜拜。 最後只有申請 PCCW 既 WiFi，因為依家基本上大街小巷也不難找到 PCCW Wi-Fi 的 logo，只要你行入商場，就好似便利店一樣，總會有個熱點在左右。最利害既係，由於 PCCW 既電話亭也會有 Wi-Fi 提供，就算我等巴士，也不難找到熱點上網，有點變左全城 Wi-Fi 的感覺。 而且費用多個選擇，我依家比我 iPod Touch 用緊一機無限 plan，只是 HKD28，絕對抵用。雖然 HKBN 在家用寬頻做得唔錯，但 Wi-Fi 方面，PCCW 絕對有佢領先既地位。讚！
